Últimas Novas (457)

Últimas novas da asociación LugoPatrimonio

· Día 22, martes, ás 20 h. no salón de actos da Deputación Provincial de Lugo, presentación da novela A poutada do Oso, na que intervirán Felipe Castro (Axente facultativo medioambiental), Francisco Pillado, director da editorial Laiovento, Felipe-Senén López (arqueólogo e museólogo), e o autor, Lois Diéguez, previa proxección do dvd "De Albre de espranza á Poutada do Oso". Este acto faise en colaboración coa editorial Laiovento.

Entre as 19 e as 20 h. Lois Diéguez asinará libros no mesmo lugar, e Felipe-Senén completará o traballo cos seus debuxos

· Día 31, xoves, ás 20 h. no salón de actos da Deputación Provincial de Lugo, conferencia con proxeccións sobre Viaxe virtual polas terras de Turquía, a cargo do escritor Lois Diéguez. Durante a conferencia falarase tamén da próxima viaxe que LugoPatrimonio realizará a Turquía polos días da Semana Santa.

 

Como xa se ten anunciado confirmamos que o día 14 de decembro ás 20 horas, farase a visita á exposición guiada polo arqueólogo Celso Rodríguez.

Lugar de encontro Salón de Actos da Vicerreitoría, Praza de Pío XII (fronte á fachada principal da Catedral)..

 

Exposición  “A Domus do Mitreo”

Esta exposición aberta na sala de exposición da Vicerreitoría, recolle unha selección de pezas dos varios miles que apareceron nas escavacións do solar feitas no ano 2000, e que abarcan estratos que van desde o ano 27 a. de C., os máis fondos, ata os máis superficiais que se corresponden co século XX.

Apareceu unha domus ou casa romana, que se organiza arredor dun patio interior. Cara o ano 284 d. de C., sufre unha reorganización creando unha serie de ámbitos privados, entre o que destaca o mitreo, un espazo rectangular cunha nave central bordeada por cinco pilastras que sustenta a cuberta. O nicho do culto tivo unha estátua de bronce dedicado ao deus Mitra matando ao touro. A peza máis importante é a ara dedicada ao deus polo centurión da Lexio VII Xemina Antoniniana, Victorius Victorinus.

A partir da construcción da muralla, cara ao ano 270, a casa é expropiada, destinándose a parte non afectada a outros usos.

Na Idade Media a casa desaparece, faise unha calzada apegada a muralla e un cemiterio que se utiliza no século XII. Tamén aparecen evidencias de que este espazo se utilizou como taller dos canteiros que traballaban para facer a catedral románica.

A fins do século XVIII, coa nova fachada, remodélase o adro ou Bo Xesús, fanse as casas acorde coa importancia da nova obra, entre as que está a que foi de don Pedro Pablo Montenegro, se actual da Vicerreitoría.

 

Busca nesta web

Próximos actos

  • Asemblea anual +

    Día 10 de decembro, martes ás 20 horas Salón de actos da Deputación Provincial Asemblea anual. Renovación da xunta directiva. Ler Máis
  • 1

O RAMO

Seccións

  • Colaboracións +

    artigos publicados por colaboradores de LugoPatrimonio Ler Máis
  • O Ramo +

    sección O Ramo da revista Na Xanela Ler Máis
  • A Pauliña +

    sección A Pauliña da revista Na Xanela Ler Máis
  • Fotolog +

    sección de fotografías Ler Máis
  • 1

ACCESO