Luís Hixinio Flores Rivas (Balmonte, Castro de Rei, Lugo, 1960), fotógrafo afeccionado que movido polas diversas manifestacións da cultura popular e por eses espazos humanizados, testemuños dun estilo de vida que desaparece, dedica parte do seu tempo libre a fotografalos.
Ten recibido diversos premios, entre eles o primeiro nos Certámenes de Fotografía sobre Cultura Popular nos anos 2004 e 2006. Tamén fixo exposicións individuais no Museo do Pobo Galego, Museo Provincial de Lugo, Verbum (Vigo) e na Casa de Galicia de Madrid.