Comezouse no Parque de Rosalía de Castro para ver e falar do monumento de este autor, labrado en granito, que o Concello lle dedicou ao alcalde Ángel López Pérez inaugurado en 1958, do que Asorey executou a parte escultórica mentres que a base foi realizada por Manuel Mallo. A xénese do monumento, o significado das esculturas e as técnicas de execución ocuparon as explicacións dos antes citados.
Despois trasladáronse ao cemiterio de San Froilán para ver unha das obras máis peculiares e descoñecida do escultor santiagués, o Cristo Redentor, primeira obra súa na cidade encargada en 1935 por Manuel Barrio Basadre para un panteón da familia de José Fernández López, proxectado polo arquitecto Alfredo Vila, e executada en 1936 en mármore de Carrara, seguramente a única obra Art déco do autor. As vicisitudes polos que pasou o encargo, debedio aos retrasos, o significado da obra e o proceso de execución, tamén foron expostas polos tres guías do roteiro.
Como complemento ao ciclo sobre Historicismo desenvolvido, aproveitouse tamén  para ver os dous panteóns deste estilo proxectados polo arquitecto Nemesio Cobreros, o de García Abad e o da familia de Armando Durán Miranda, que no ano 2015 foi o  gañador do concurso para elixir o mellor monumento arquitectónico funerario de España.
De novo na cidade, os asistente pararon diante do Hospital de Santa María para ver a Virxe co Neno, esculpida en granito, que se atopa sobre a porta da entrada principal do edificio, inspirada na Virxe dos Ollos Grandes, pero interpretada partindo da imaxe dunha campesiña galega.
Rematouse a visita no Museo Provincial para ver as dúas notables esculturas en madeira, a Ofrenda a San Ramón e o San Francisco, primeira medalla da Exposición Nacional de Belas Artes de 1926.