|
Programa definitivo do Ciclo do Ferro |
 |
 |
 |
|
Escrito por Administrator
|
|
Mércores 10 de Marzo de 2010 10:29 |
|
(preme na imaxe ou aquí para descargar o programa completo)
|
|
Actualizado o Mércores 10 de Marzo de 2010 10:35 |
|
Fotos da viaxe a Exipto, 1ª parte. |
|
|
|
|
Escrito por Administrator
|
|
Sábado 06 de Marzo de 2010 23:22 |
En etapas sucesivas iremos subindo as fotos da viaxe a Exipto realizada o pasado mes de febreiro. Nesta primeira parte, que consta de 150 fotos, visitamos os seguintes puntos de interese:
- O Cairo.
- Meseta de Gizeh: pirámides de Keops, Kefrén e Micerinos. Esfinge. Templo do Val.
- Canle do Nilo, no percorrido a Menfis e Saqqara.
- Saqqara: mastaba de Ti, pirámide de Zóser, Templo.
- Menfis: coloso de Ramsés II, Esfinxe de alabastro.
- De Luxor a Dendera e Abydos, pola canle do Nilo: escenas de estrada.
- Templo de Abydos.
|
|
Actualizado o Sábado 06 de Marzo de 2010 23:26 |
|
LugoPatrimonio pide que se respecte o legado de Álvaro Gil no lugar que el elixiu para a súa exposición |
|
|
|
|
Escrito por Administrator
|
|
Mércores 10 de Febreiro de 2010 18:38 |
Sorprende que despois de 36 anos aparezan voces e prácticas que intentan levar un tesouro que xa é lugués e galego desde aquela, fóra do lugar que o grande mecenas don Álvaro Gil elixiu no seu momento en proba de amor ao noso país, á súa cultura e ao acervo cultural que herdabamos dos nosos devanceiros. Un camiño que se tripa durante tantos anos acaba por se definir como colectivo. Seríamos quen neste momento de levar a nosa Muralla para New York, ou mandar a nosa catedral para Pontevedra? Aparte das diferenzas construtivas deste patrimonio, o que os une está precisamente no herdo colectivo que para a nosa cultura propia, galega, representan, pois tamén a xente forma parte do seu ser e dálle a propia nacionalidade ou carácter local.
As novas xeracións edúcanse hoxe na cultura material que ofrece este grande museo ao que Álvaro Gil lle deu sangue e vida, e sen este tesouro castrexo e doutras épocas anteriores e posteriores, non é o mesmo a visión que as xeracións poidan ter do pasado. Nen é o mesmo que as xentes de todo o mundo que nos veñen visitar, contemplen ou non as xoias colectivas na terra onde se descubriron, anónimas elas e xa de herdanza colectiva desde a súa aparición.
LugoPatrimonio apoia con contundencia ao noso Museo provincial de Lugo como lugar incuestionábel para continuar como escaparate de luxo deste tesouro, e lembra que mantelo en vivo como se mantivo durante tantos anos tamén custou cartos e esforzos que foron de todos nós, daqueles e daquelas que contribuímos á súa constante exposición e coidado. Non pode ser, polo tanto, o criterio económico a forza para a retirada das pezas, pois rompería o carácter de mecenado que o seu posuidor lle deu. As obras grandes son de homes e mulleres grandes. As pezas castrexas, dos castrexos, e os herdeiros somos todos e todas nós. Que Lugo siga a sentir o orgullo de posuír un escaparate de ouro, e que a memoria de don Álvaro Gil siga mantendo o mecenado.
Lugo, a 9 de febreiro do 2010
O Presidente de LugoPatrimonio
Asdo.: Lois Diéguez
|
|
Escrito por Administrator
|
|
Xoves 04 de Febreiro de 2010 22:59 |
|
Pedimos con firmeza que o grande dinamizador da cultura e economía de Grandas, Pepe el Ferreiro, sexa renovado na dirección dese Museo etonográfico, pois é obra del e daqueles e aquelas que co seu traballo construíron esa marabilla que animou a propia economía da zona. Ninguén entendería hoxe esa fermosa vila sen o seu museo. Volvería, nese caso, ao silencio e á despersonalización.
Coa forza da xustiza e do futuro, LugoPatrimonio quere deixar constancia diante de quen comete a inxustiza e a barbarie, que unha xoia sempre se mostra con orgullo, pois ten valor, beleza e brillo, e non se comprende que recoñocida como tal polo noso pobo, sexa botada da mina onde se formou. Pepe el Ferreiro ten que volver aínda con máis forza á esa obra magnificamente creada.
Lugo, a 3 de febreiro do 2010-02-04
O Presidente de LugoPatrimonio
Asdo.: Lois Diéguez
|
|
ADEGA E LUGOPATRIMONIO ALEGAN CONTRA O PROXECTO SOBRE O NOVO TRAZADO DA ESTRADA ENTRE BECERREÁ E AS NOGAIS |
|
|
|
|
Escrito por Administrator
|
|
Sábado 30 de Xaneiro de 2010 16:03 |
|
A modificación da estrada “Armesto-Torés-As Nogais” proxectada pola Deputación de Lugo afecta á contorna de dúas zonas de Rede Natura e poderían acelerar o derrube da Torre do Castelo de Torés.
Os colectivos denunciantes instan á Xunta e á Deputación de Lugo a impedir as obras mentres non se avalíe o seu impacto ambiental e patrimonial.
Lugo, a 25 de xaneiro de 2010.-
ADEGA e Lugo Patrimonio presentan alegacións ante a Xunta e a Deputación de Lugo contra a modificación do trazado da estrada existente entre os núcleos de Armesto ata a vila das Nogais, atravesando o Val de Torés. Por unha banda, aseguran que a modificación do trazado é innecesaria polo baixo número de vehículos que circulan diariamente pola estrada actual e porque esta xa permite o paso de vehículos articulados de grande tonelaxe. Ademais hai que ter en conta a competencia en comodidade, seguridade, número de quilómetros e aforro de tempo que xa ofrecen outras estradas de alta capacidade que comunican as dúas vilas, como a Autovía A-6 ou a Nacional VI.
Por outra banda, estes colectivos denuncian que o proxecto prevé crear unha plataforma de entulleiras e terrapléns de máis de 2 quilómetros de longo por máis de 15 metros de ancho a través dunha paisaxe natural, cultural e xeomorfolóxica única en Galicia, que corresponde ao Val de Torés.
No tocante ás afeccións ambientais, as obras carecen de avaliación de impacto ambiental e do oportuno informe favorable da Consellaría de Medio Ambiente, por afectar á contorna de dous espazos de Rede Natura, o LIC Ancares-Courel e o LIC Agüeira-Cruzul, tal e como obrigan a Lei de Avaliación de Impacto e a a Lei do Patrimonio Natual e da Biodiversidade.
|
|
Actualizado o Luns 08 de Febreiro de 2010 22:13 |
|
Ler máis...
|
|
|
